Ejo (en kinyarwanda)

Ejo hashize, n’ejo hazaza. Ni ijambo rimwe umuntu akoresha iyo yiyibutsa ibihe byahise n’iyo ashaka kumvikanisha uko ubuzima bushobora kuba bumeze nyuma ya jenoside yakorewe Abatutsi.

Inkuru ngufi cumi n’imwe zigize iki kegeranyo ziratwinjiza, binyuze mu rwenya n’ubushishozi, mu mibereho bwite y’abagore n’abana bahuye n’amateka ashaririye agahungabanya ubuzima bwabo.

Amajwi yabo atandukanye, agizwe n’imibabaro n’ibyiringiro, arashimangira ubumuntu twese dusangiye.

—
Beata Umubyeyi Mairesse yavukiye anakurira mu Rwanda.
Yageze mu Bufaransa mu 1994 nyuma yo kurokoka jenoside yakorewe Abatutsi. Afite impamyabumenyi mu bya politiki (Diplômée de Sciences politiques). Yabaye Umuhuzabikorwa w’imishinga y’ubuzima mu Bufaransa no mu mahanga mu gihe cy’imyaka 15. Ubu atuye i Bordeaux.
Amaze gusohora ibitabo birimo iby’inkuru ndende (romans), inkuru ngufi (nouvelles), ibisigo (poésie), ibitekerezo (récits), n’igitabo cy’abana. Yahawe ibihembo by’ubuvanganzo byinshi birimo Prix des Cinq continents de la Francophonie, Prix Kourouma na Prix France Télévision.